काठमाडौं– गृहमन्त्री शक्तिवहादुर वस्नेतलाई माओवादी सम्वद्ध विभिन्न ३ वटा विद्यार्थी संगठनले ललितपुर टौखेलस्थित पुष्पाञ्जली बोर्डिङ्ग स्कुलको घटनाका दोषीलाई कडा कार्वाही गर्न माग गरेका छन् ।
अखिल(क्रान्तिकारी)का अध्यक्ष रमेश मल्ल, अर्को अखिल(क्रान्तिकारी)का अध्यक्ष रत्न ढकाल र क्रान्तिकारी विद्यार्थी संगठन, नेपालका अध्यक्ष सन्तोष विष्टसहितको प्रतिनिधि मण्डलले मन्त्री बस्नेतलाई ज्ञापनपत्र बुझाउँदै कारबाही गर्न माग गरेका हुन् ।

ज्ञापनपत्रमा टौखेल घटनाका दोषीलाई हदैसम्मको कार्वाही गर्नुपर्ने, पिडितलाई उचित परिपुरण गरिनुपर्ने, मृतक विद्यार्थीको स्मृतिमा अक्षय कोष स्थापना गरिनुपर्ने लगायतका माग राखिएको छ ।

त्यसैगरी तोकिएको मापदण्ड विपरित बनाइएका विद्यालय भवनको तत्काल अनुगमन गरि असुरक्षित विद्यालय भवनमा पठनपाठन गर्ने कार्य तत्काल रोक्न समेत माग गरिएको छ ।

ज्ञापनपत्र बुझ्दै गृहमन्त्री बस्नेतले घटनाका दोषीलाई छानबिन गरि तत्कालै कानुनको दायरामा ल्याइने र पिडितलाई समेत उचित परिपुरणको व्यवस्था मिलाइने बताएका छन् ।