बाके,२७-बैशाख/कोहलपुरस्थित बागेश्वरी बहुमुखी पब्लिक क्याम्पसका नवनियुक्त संचालक समिति अध्यक्ष चर्चित युवा नेता तथा समाजसेवी नरेन्द्र न्यौपानेले आज एक कार्यक्रमका बीच पदभार ग्रहण गर्नुभएको छ ।
क्याम्पस संचालन समितिको बैठकले न्यौपानेलाई गत मंगलबार अध्यक्ष पदकालागि सिफारिस गरेको थियो उक्त सिफारिसका आधारमा त्रिभुवन विश्वविद्यालय योजना निर्देशनालयले न्यौपानेलाई २० गते बुधबार नै क्याम्पसको संचालक समिति अध्यक्ष पदमा नियुक्त गरेको हो ।
नियुक्त भएको ठिक एक हप्तामा आज बुधबार अध्यक्ष न्यौपानेले पदभार ग्रहण गर्नु भएको हो सो कार्यक्रममा क्याम्पस संचालन समितिका निबर्तमान अध्यक्ष हेम प्रसाद सुबेदी र बहालवाला क्याम्पस प्रमुख सुसिल शर्माले स्वागत तथा खादा ओडाई बधाई ज्ञापन गर्नुभएको थियो ।
अखिल क्रान्तिकारीको केन्द्रिय अध्यक्ष पनि रही सकेका न्यौपाने पछिल्लो समय गृहजिल्ला बाँकेको राजनितिक र सामाजिक कार्यमा सक्रिय रहदै आएका छन ।
