१ भदाै, काठमाडाैँ । त्रिभुवन विश्वविद्यालयले स्नातकोत्तर तथा अधिस्नातक तहमा भर्नाका लागि प्रवेश परीक्षाको फाराम भर्ने समय थप गरेको छ । सोमबार विश्वविद्यालयलको मानविकी तथा समाजशास्त्र संकायको डीन कार्यालयले सुचना जारी गर्दै यसभन्दा अघिको सुचनामा संशोधन गरिएको जानकारी दिएको हो ।
यसभन्दा अघिको सुचनामा स्नातकोत्तर तथा अधिस्नातक तहमा भर्नाका लागि प्रवेश परीक्षाको फाराम भर्ने अन्तिम मिति श्रावण अन्तसम्म तोकिएको थियो । तर, सोमबारको सुचना अनुसार अब सो तहको भर्नाका लागि प्रवेश परीक्षाको फाराम भदाै २१ गतेसम्म भर्न सकिनेछ ।
उक्त तहको फाराम भर्नका लागि १५०० शुल्क तोकिएको छ । त्यस्तै, दोब्बर दस्तुर तिरेर भदाै २५ गतेसम्म फाराम भर्न सकिने उल्लेख गरिएको छ ।
त्यसैगरी सो तहको प्रवेश परीक्षा भदाै ३० गते बुधबार सञ्चालन हुने र परीक्षाको नतिजा असोज ५ गते सार्वजनिक हुने जानकारी समेत सोमबार विश्वविद्यालयले सार्वजनिक गरेको सुचनामा दिइएको छ ।
