२ भदाै, काठमाडाैँ । त्रिभुवन विश्वविद्यालयले स्नातक तहको तेश्रो वर्षको परीक्षाफल सार्वजनिक गरेको छ । गत वर्ष फागुनमा लिइएको तीन वर्षे मानविकी तथा समाजशास्त्र संकायको अन्तिम तहको परीक्षाफल सोमबार सार्वजनिक भएको हो ।

उक्त परीक्षाको परीक्षाफल www.tuexam.edu.np मापनि हेर्न सकिनेछ । साथै 3BA (space) SYMBOL NO. ३३६२४ मा SMS गरेर पनि थाहा पाउन सकिने विश्वविद्यालयद्वारा जारी सुचनामा जानकारी दिइएको छ ।

त्यसैगरी, उक्त परीक्षामा सामेल भएका ३ जना विद्यार्थीलाई २ वर्षका लागि निलम्बन समेत गरिएको छ ।

‘त्रिवि संगठन तथा शैक्षिक प्रशासन सम्बन्धी नियम २०५० को परिच्छेद ६६ को २६८ अनुसार परीक्षाको मर्यादा विपरीत कार्य गरेकाले क्रमांक नं. ०६२०४५२, ५४००५१ र ३७०१०४ परीक्षार्थीलाई त्रिवि बाट सञ्चालन हुने कुनैपनि परीक्षामा सम्मिलित हुन नपाउने गरी २ बर्षको लागि (२०७९) सम्म निष्काशन गरिएको छ ।’ उक्त सूचनामा भनिएको छ ।