१७ भदाै, काठमाडाैँ । प्राविधिक शिक्षा तथा व्यावसायिक तालीम परिषद् परीक्षा नियन्त्रण कार्यालय सानोठिमीले छात्रवृत्ति सम्बन्धी सुचना जारी गरेको छ ।
बिहीबार गोरखापत्रमार्फत प्राविधिक शिक्षा अध्ययन गर्न इच्छुक व्यक्तिहरूका लागि छात्रवृत्ति प्रदान गरिने सम्बन्धि सुचना सिटिइभिटीले जारी गरेको हो ।
सिटिइभिटीद्वारा जारी सुचनामा जम्मा ५६० जनालाई छात्रवृत्ति प्रदान गरिने उल्लेख गरिएको छ । सुचनाका अनुसार देशभरका विपन्न, दलित र मुस्लिम समुदायका २८० छात्रछात्रालाई प्रि–डिप्लोमा तह र २८० जनालाई डिप्लोमा÷प्रमाणपत्र तहमा निःशुल्क अध्ययन गर्न विशेष प्राविधिक शिक्षा छात्रवृत्ति कार्यक्रममा भर्ना प्रक्रियाका लागि आवेदन फाराम भर्न आह्वान गरिएको छ ।
सुचनामा प्रादेशिक सन्तुलन कायम हुनेगरी संस्थागत पहुँच नपुगेका स्थानीय तहलाई प्राथमिकता दिनेगरी देशभरका विपन्न, दलित र मुस्लिम समुदायका छात्रछात्राहरूबाट विभिन्न कोटामा छात्रवृत्ति प्रदान गरिने उल्लेख छ ।
हेर्नुहोस् सिटिइभिटीले जारी गरेको सुचना
