२१ भदाै, काठमाडाैँ । त्रिभुवन विश्वविद्यालयले दीक्षान्त समारोहमा भाग लिनका लागि आवदन खुलाएको छ । निश्चित तह उत्तीर्ण गरेका विद्यार्थीहरूका लागि त्रिविले दीक्षान्तका लागि अनलाइन आवेदन खुलाएको हो ।
त्रिविको ४७ औं दीक्षान्त समारोहमा भाग लिनका लागि स्नातक, स्नातकोत्तर तथा एम.फिल तह उत्तीर्ण गरेको हुनुपर्ने सुचनामार्फत जानकारी दिइएको छ ।
त्रिविको वेभसाइट www.tuexam.edu.np/convocation मा गएर असोज २० गतेसम्म दीक्षान्तका लागि फाराम भर्न सकिने जनाइएको छ ।
दीक्षान्त समारोहमा सहभागी हुनका लागि फाराम भर्दा एमआरपी साइजको फोटो, नागरिकता, ट्रान्सकिपको स्क्यान कपि अनिवार्य अपलोड गर्नुपर्ने जानकारी दिइएको छ ।
त्रिविले दीक्षान्तको प्रमाणपत्रका लागि स्नातक, स्नातकोत्तर तथा एम. फिल र पिएचडीका लागि क्रमशः २२००, २७०० र ३२०० शुल्क तोकेको छ ।
