५ असोज, सुर्खेत । त्रिभुवन विश्वविद्यालयले सुर्खेत क्याम्पस (शिक्षा) को नाम परिवर्तन गरेको छ । विश्वविद्यालयको कार्यकारी परिषद्ले सुर्खेत क्याम्पस (शिक्षा) को नाम ‘सुर्खेत क्याम्पस’ राख्ने निर्णय गरेको हो ।

विसं २०२९ मा स्थापना भएको क्याम्पसले हालसम्म शिक्षाशास्त्र सङ्कायमा स्नातक र स्नातकोत्तर कार्यक्रम सञ्चालन गर्दै आएको थियो । विसं २०७७ चैत ४ गतेदेखि व्यवस्थापन सङ्कायअन्तर्गतका बिबिएस कार्यक्रमको पठनपाठन सुरु गरेपछि क्याम्पसले नाम परिवर्तन गर्न विश्वविद्यालयको योजना निर्देशनालयलाई पत्राचार गरेको थियो ।

त्रिभुवन विश्वविद्यालयको भदौ २२ गते बसेको कार्यकारी परिषद्को बैठकले क्याम्पसको उक्त प्रस्ताव स्वीकृत गरेको योजना निर्देशनालयद्वारा जारी विज्ञप्तिमा उल्लेख छ ।