१५ असोज, काठमाडाैँ । राष्ट्रिय परीक्षा बोर्डले एसईई परीक्षामा सामेल हुनका लागि रजिष्ट्रेसन तथा आवेदन फाराम खुलाएको छ । बोर्डले २०७८ को एसईईमा समावेश हुन परीक्षा आवेदन फाराम र २०७९ सालको एसईईका लागि रजिष्ट्रेसन फाराम खुला गरेको हो ।
परीक्षा बोर्डले जारी गरेको सुचनामा एसईईमा सहभागी हुनका लागि असोज १५ गतेदेखि कार्तिक मसान्तसम्म फाराम भर्न सकिने उल्लेख गरिएको छ । उक्त सुचनामा प्राविधिक र साधारणतर्फका सबैले रजिष्ट्रशन फाराम भर्न पाउने उल्लेख छ ।
फाराम भर्नका लागि हाल कक्षा १० मा अध्ययनरत विद्यार्थीहरूले रजिष्ट्रेशनको अर्धकट्टीको प्रतिलिपि, शैक्षिक सत्र २०७६ वा सो भन्दा पहिले कक्षा ८ उत्तीर्ण गरेको प्रमाणपत्रको प्रतिलिपि र जन्मदर्ताको प्रमाणपत्र लगायतका कागजात संलग्न गर्नु पर्ने उल्लेख गरिएको छ ।
राष्ट्रिय परीक्षा बोर्डले सार्वजनिक गरेको पूरा सुचना हेर्ने यहाँ क्लिक गर्नुहोस् ।
