२४ मंसिर, काठमाडाैँ । शुक्रबार मुलुकभर थप २५९ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयले देशका विभिन्न प्रयोगशालामा गरिएको परीक्षणमा ती व्यक्तिहरूमा कोरोना संक्रमण पुष्टि भएको जानकारी दिएको छ ।
स्वास्थ्य तथा जनसंख्या मन्त्रालयका अनुसार ६४७२ पिसिआर र ४०१५ जनाको एन्टिजेन परीक्षण गर्दा २५९ जनामा संक्रमण पुष्टि भएको हो ।
शुक्रबार देशभर ३३७ जना कोरोना संक्रमण मुक्त भएका छन् भने थप ३ जनाको मृत्यु भएको छ ।
