मुख्यखबर

त्रिभुवन विश्वविद्यालयका परीक्षा स्थगित

शिक्षाखबर संवाददाता

६ माघ २०७८, बिहीबार

६ माघ, काठमाडाैँ । त्रिभुवन विश्वविद्यालयका परीक्षाहरू स्थगित भएका छन् । विश्वविद्यालयले वार्षिक तथा सेमेस्टर प्रणालीका सबै परीक्षाहरू स्थगित गर्ने निर्णय गरेको हो ।

परीक्षा नियन्त्रण कार्यालयका अनुसार माघ ९ गतेदेखि सञ्चालन हुने परीक्षाहरू स्थगित भएका हुन् ।

‘हाल सञ्चालन भइरहेका अधिकांश परीक्षाहरु सम्पन्न भइसकेका, केही परीक्षा सम्पन्न हुने क्रममा र सञ्चालनको पूर्वतयारी अवस्थामा रहेको र विश्व्यापी रुपमा फैलिएको ओमक्रोम भेरियन्तको तीव्र संक्रमणका कारण उपत्यका र बाहिरका अधिकांश परीक्षा केन्द्रमा परीक्षासँग सम्बन्धित विद्यार्थी, कर्मचारी एवम् प्राध्यापकसमेत संक्रमित भएका कारण त्रिवि केन्द्रीय परीक्षा सञ्चालन समितिको बैठकबाट हाल सञ्चालित वार्षिक तथा सेमेस्टर प्रणालीका सम्पूर्ण परीक्षाहरु माघ ९ गतेदेखि अर्को सूचना प्रकाशित नभएसम्मका लागि स्थगित गर्ने निर्णय भएको छ ।’ विश्वविद्यालयद्वारा जारी सुचनामा भनिएको छ ।