१२ माघ, काठमाडाैँ । बुधबार मुलुकभर थप ८ हजार ४५४ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयले देशका विभिन्न प्रयोगशालामा गरिएको परीक्षणमा ती व्यक्तिहरूमा कोरोना संक्रमण पुष्टि भएको जानकारी दिएको छ ।

स्वास्थ्य तथा जनसंख्या मन्त्रालयका अनुसार १३५४९ पिसिआर र ६८१० जनाको एन्टिजेन परीक्षण गर्दा ८४५४ जनामा संक्रमण पुष्टि भएको हो ।

बुधबार देशभर ४४३३ जना कोरोना संक्रमण मुक्त भएका छन् भने ५ जनाको मृत्यु भएको छ ।

पछिल्लो २४ घण्टामा देशभर मंगलबारको तुलनामा कोरोना संक्रमित घटेका छन् भने कोरोना मुक्त हुनेको संख्या बढिरहेको छ ।