१३ माघ, काठमाडाैँ । बिहीबार मुलुकभर थप ८ हजार १७ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयले देशका विभिन्न प्रयोगशालामा गरिएको परीक्षणमा ती व्यक्तिहरूमा कोरोना संक्रमण पुष्टि भएको जानकारी दिएको छ ।

स्वास्थ्य तथा जनसंख्या मन्त्रालयका अनुसार १५७३६ पिसिआर र ६०७२ जनाको एन्टिजेन परीक्षण गर्दा ८०१७ जनामा संक्रमण पुष्टि भएको हो ।

बिहीबार देशभर ५२९२ जना कोरोना संक्रमण मुक्त भएका छन् भने १५ जनाको मृत्यु भएको छ ।

पछिल्लो २४ घण्टामा देशभर बुधबारको तुलनामा कोरोना संक्रमित घटेका छन् भने कोरोना मुक्त हुनेको संख्या बढिरहेको छ ।