२४ माघ, काठमाडाैँ । सोमबार मुलुकभर थप १ हजार ५७० जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयले देशका विभिन्न प्रयोगशालामा गरिएको परीक्षणमा ती व्यक्तिहरूमा कोरोना संक्रमण पुष्टि भएको जानकारी दिएको छ ।
स्वास्थ्य तथा जनसंख्या मन्त्रालयका अनुसार ७८७४ पिसिआर र ३४९१ जनाको एन्टिजेन परीक्षण गर्दा १५७० जनामा संक्रमण पुष्टि भएको हो ।
सोमबार देशभर ६१४६ जना कोरोना संक्रमण मुक्त भएका छन् भने १३ जनाको मृत्यु भएको छ ।
