५ चैत, काठमाडौँ । कक्षा १२ को वार्षिक परीक्षा आगामी जेठ १६ गतेदेखि हुने भएको छ । राष्ट्रिय परीक्षा बोर्डको आज बसेको बैठकले कक्षा १२ को परीक्षा जेठ १६ गतेदेखि २५ गतेसम्म सञ्चालन गर्ने निर्णय गरेको हो । सोही आधारमा बोर्डले परीक्षा तालिका समेत सार्वजनिक गरेको छ ।
जेठ १६, १७ र १८ गतेमध्ये कुनै एक दिनबाट परीक्षा सञ्चालन गर्नुपर्ने प्रस्ताव बोर्डको बैठकमा लगिएको थियो । बोर्ड बैठकले १६ गतेदेखि नै सञ्चालन गर्ने निर्णय गरेको हो ।
यो वर्ष भने कक्षा १२ को परीक्षा होम सेन्टरबाट नभइ तोकिएका केन्द्रहरूबाट सञ्चालन हुनेछन् । पछिल्ला २ वर्षमा कोरोना महामारीका कारण कक्षा १२ को परीक्षा होम सेन्टरबाट सञ्चालन भएका थिए ।
