भदाै ४, काठमाडाैँ । नेपालमा पछिल्लो २४ घण्टामा २९९ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार सोही अवधिमा थप दुई संक्रमितले ज्यान गुमाएका छन्।
४ हजार ३३७ परीक्षणमा २९९ जनामा संक्रमण पुष्टि भएको मन्त्रालयको भनाइ छ। पीसीआरबाट १८० जना र एन्टिजेन परीक्षणमा ११९ जनामा संक्रमण देखिएको हो।
यस अवधिमा ५७७ जना कोरोनामुक्त भएका छन्। हाल देशभर सक्रिय कोरोना संक्रमितको संख्या ४ हजार ६२५ रहेको मन्त्रालयले जनाएको छ।
