चितवन / पछिल्लो समय निकै नै चर्चामा आएको कृषि तथा वन बिज्ञान बिश्वबिद्धालयमा मिति २०७५/९/१४ गते कृषि संकाय तर्फ को प्रवेश परिक्षा सम्पन्न भएको छ ।
बिश्वबिद्धालयको कार्यकारी परिषदले यहि वर्ष २०७५ असार २० गते विभिन्न ८ निजि कलेजलाई सम्बन्धन दिएको थियो । निजि सम्बन्धन बिरुद्ध विद्यार्थी र प्राध्यापक आन्दोलनरत भएकाले बिश्वबिद्धालय बिगत ६ महिना देखि अस्तब्यस्त छ । मन्त्री परिषदले साउन १४ गते बिश्वबिद्धालय कार्यकारीले गरेको निणर्य खारेज गरे पश्चात निजि कलेज सन्चालकले मुद्दा सर्बोच्चमा दिए जुन मुद्दा अहिले पनि अदालतमा बिचाराधिन रहेको छ ।
बिश्वबिद्धालयले कार्तिक २० मा केन्द्रिय, आंगिक र निजि लाई समेत समेटेर फारम खुलाएपछि माहोल अझै पेचिलो बनेको थियो र कार्तिक २७ गते बिश्वबिद्धालयमा तोड्फोड र आगजानी समेत भएको थियो ।
‘विद्यार्थी र प्राध्यापकको निरन्तरको आन्दोलन र दबाबमा मिति २०७५/८/१६ गते बिश्वबिद्धालयले केन्द्रीय र आंगिक लाई मात्र फारम खुलाएपछि विद्यार्थी र प्राध्यापकले परिक्षा हुन दिएका हौ, सो परिक्षामा ३५०० विद्यार्थी समावेस भइ आज ११ बजेबाट १ बजे सम्म शान्तिपूर्ण रुपमा सम्पन्न भएको छ ।’क्रान्तिकारीका बिश्वबिद्यालय समिति सचिब बिबेक पौडेलले शिक्षाखबरलाई जानकारी दिनुभयो ।
