काठमाडौँ / राष्ट्रिय परीक्षा बोर्डले एसइईको नतिजा सार्वजनिक गरेको छ । शनिबार बसेको बोर्ड बैठकले नतिजा सार्वजनिक गर्ने निर्णय गरेको हो ।
बोर्डले विद्यालयले आन्तरिक मूल्यांकन गरेर पठाएकोलाई प्रमाणीकरण गर्ने निर्णय गरेको एसइईका परीक्षा नियन्त्रक रुद्र अधिकारीले बताए ।
त्यसैगरी बोर्ड बैठकले कक्षा १२ को परीक्षा स्थगित गरेको छ । बोर्डका परीक्षा नियन्त्रक कृष्णप्रसाद शर्माका अनुसार ३१ साउनदेखि तय भएको कक्षा १२ को परीक्षा विषयमा पछि सूचना प्रकाशन गर्ने गरी परीक्षा स्थगित भएको हो ।
परिस्थिति अनुकूल भएपछि पुनः परीक्षा सञ्चालन गर्ने निर्णय समेत बोर्डले गरेको छ । पुनः हुने परीक्षा बारे १५ दिन अघि जानकारी दिने बोर्डले जनाएको छ । यसअघि एक महिना अघि परीक्षा तालिका सार्वजनिक गरिन्थ्यो ।
गतवर्ष कक्षा १२ को परीक्षा मंसिरमा सञ्चालन भएको थियो । स्वास्थ्य मन्त्रालयले परीक्षा स्थगित गर्नका लागि बोर्डलाई सिफारिस गरेको थियो ।
