२ भदाै, काठमाडाैँ । प्राविधिक शिक्षा तथा व्यवसायिक तालीम परिषद्(सिटिइभिटी)ले छात्रवृत्ति सम्बन्धि सुचना जारी गरेको छ । सिटिइभिटीले बुधबार शैक्षिक सत्र २०७८/७९ मा प्रि–डिप्लोमा तहमा छात्रवृत्ति छनाैटका लागि अावदेन भर्नेबारे सुचना जारी गरेको हो ।
सिटिइभिटीले जारी गरेको सुचनामा यस संस्थाबाट सम्बन्धन प्राप्त सबै सरकारी तथा निजी शैक्षिक संस्थाहरूलाई भदाै २३ गतेसम्म छात्रवृत्तिका लागि फाराम भराउन सुचित गरेको छ ।
सिटिइभिटीले उक्त सुचनामा एसएलसी वा एसइइ उत्तीर्ण भएका विद्यार्थीहरूले पाएको अंकको आधारमा कार्यक्रम र कोटा अनुसार योग्यताक्रम छनाैट हुने पनि जानकारी गराएको छ ।
सिटिइभिटीले छात्रवृत्ति सम्बन्धि विस्तृत विवरण ‘प्रि–डिप्लोमा तहको प्रवेश परीक्षा सञ्चालन, छात्रवृत्ति वितरण एवं भर्ना सम्बन्धी निर्देशिका २०७७ को (पहिलो संशोधन २०७८)’मा हेर्न सकिने पनि उल्लेख गरेको छ ।
